Google ADS

Wagner drejt Moskës, Britania: Rusia përballë sfidës më të madhe të kohëve të fundit

10:33 | 24 Qershor 2023
K.B

Ministria britanike e Mbrojtjes, ka thënë të shtunën se shteti rus është duke u përballur me sfidën më të madhe të sigurisë në kohët e fundit.

“Në orët e ardhshme, besnikëria e forcave ruse të sigurisë dhe sidomos e Gardës Kombëtare të Rusisë, do të jetë kyçe rreth asaj se si do të zhvillohet kriza”, ka thënë ministria britanike përmes një deklarate.

Shërbimet e Inteligjencës nga Ministria e Mbrojtjes e Mbretërisë së Bashkuar thonë se disa njësi Wagner “po lëvizin në veri përmes rajonit Vorenezh , pothuajse me siguri duke synuar të shkojnë në Moskë”.

Vorenezh shtrihet në gjysmë të rrugës midis kryeqytetit Moskë dhe Rostov-on-Don, qyteti rus që grupi mercenar Wagner pretendon se tani e kontrollon. Ministria e Mbrojtjes e Mbretërisë së Bashkuar thotë se Wagner “pothuajse me siguri” ka pushtuar vendet kryesore në Rostov-on-Don./euronews

Shpërndaje në rrjete sociale

Lajmet më të lexuara

Të ngjashme

Foto lajm